Në ditën e Tisha B’Av, Irani planifikon të nisë një sulm kundër Izraelit, sipas informacioneve nga shërbimet e inteligjencës perëndimore, sipas mediave izraelite.

Raportet tregojnë se sulmi i Iranit ndaj Izraelit, si hakmarrje për vrasjen e liderit të Hamasit, Ismail Haniya në tokën iraniane, do të fillojë më 12 gusht dhe përfundon të nesërmen, më 13/8.

Tisha B’Av shënon fundin e tre javëve të shkatërrimit të Tempullit të Solomonit nga Perandoria Neo-Babilonase dhe Tempullit të dytë nga Perandoria Romake në Jerusalem.

Konsiderohet si dita më e trishtuar në kalendarin hebre dhe besohet të jetë një ditë e destinuar për tragjedi. Sulmi i Iranit thuhet se do të koordinohet me Hezbollahun, një grup terrorist i mbështetur nga Irani.

Tashmë, kërcënimet kundër Izraelit janë rritur ndjeshëm, me liderin e Hezbollahut që ka kërcënuar drejtpërdrejt vendin, si dhe lideri fetar i Iranit që premtoi hakmarrje.

Më poshtë janë objektivat e mundshëm të sulmit të mundshëm, sipas ERT.

Qyteti më i madh në Izraelin verior dhe qyteti i tretë më i madh i vendit, me një popullsi prej afro 300,000 banorësh është një objektiv i mundshëm i sulmit të mundshëm.

Ka një universitet të madh, është një port i rëndësishëm dhe mbi të gjitha luan një rol shumë të rëndësishëm në ekonominë e vendit.

Është shtëpia e një prej parqeve më të vjetër dhe më të mëdhenj të teknologjisë së lartë në vend, shumë industri të rënda, rafineri dhe industri kimike.

Tel Aviv

Kryeqyteti i Izraelit, me 460,000 banorë dhe 3,850,000 të tjerë në zonën metropolitane, është gjithashtu një objektiv i mundshëm.

Është selia e qeverisë dhe një qendër financiare globale një destinacion shumë i rëndësishëm turistik – dhe është qendra e universiteteve të mëdha.

Meqenëse shumica e vendeve perëndimore, përveç SHBA-së nuk e konsiderojnë Jerusalemin kryeqytet të Izraelit, ata kanë ambasadat e tyre në Tel Aviv.

Ai ishte gjithashtu ndër objektivat kryesorë të sulmit të mëparshëm të Iranit me 300 raketa dhe drone, dhe iu desh një aleancë ndërkombëtare, e udhëhequr nga SHBA për ta zmbrapsur atë.

Objekte hebreje

Një ambasadë izraelite jashtë vendit, një muze i Holokaustit, një restorant dhe çdo gjë që mund të dëmtojë imazhin dhe prestigjin e Izraelit janë gjithashtu objektiva të mundshëm.

Një goditje e mundshme mund të prekë marrëdhëniet Iran-SHBA në një kohë kur presidenti i ri i vendit u zgjodh me një qasje shumë më të moderuar ndaj Uashingtonit dhe një slogan për më shumë dialog me SHBA./abcnews.al